كان البحث عن عنوان يجمع كل الأشياء يلي تعلمتها خلال سفرتي شهر كامل على أوروبا أصعب من مجرد تجميع الأحداث
وخاصة مثل ما خبرتكم من بدايات حلقة البوكاست …. انه هدف ثلاثي قبل الثلاثين هو تجارب وتعلم وليس مغامرة .. وأنا كشابة بتحب تحلل وتفهم السلوكيات وتتعلم من التفاصيل والأحداث مارح أتناول السفر من زاوية المغامرة … ولكن رح أحكي عنه من منظور السلوك والتغير والتقبل … ونظراً لأنه فوائد السفر وتأثيرها مختلفة من شخص لآخر ومن تجربه لآخرى بنصحكم تحضروا محتويات لرحالة أردنيين وأردنييات وثقوا وسجلوا هالفوائد بطرق مختلفة ومميزة
ولما كنت بناقش التفاصيل مع داناخان وهي متخصصة بالإبتكار والإبداع ومديرتي المباشرة في المكتب اختصرت عنوان الحلقة ب ( بلاسيبوPlacebo) وهي مصطلح يوصف الدواء الوهمي -و مادة تبدو كدواء لكن لا تحتوي على مواد فعالة لها تأثير على صحة متعاطيها، ويستخدم البلاسيبو في الدراسات العلمية الطبية، وأظن أغلب الأشخاص يلي من خلفية علمية وطبية حيكون مارق عليهم هاد المصطلح!! بحيث يقسّم المشاركون في تجربة الأدوية الجديدة إلى مجموعتين، الأولى تتعاطى العقار الحقيقي، والثانية بتجرب العقار الوهمي، ولا يتم إخبار المشاركين بذلك.
بس شو نوع الوهم يلي كسرته بهاي الرحلة وقدت آتجاوزه وأنا بمارس ممارسات يومية؟